Të dashur nxënës!

Të nxënit në përgjithësi, e të nxënit të mësimeve nga fizika në veçanti, gjithnjë ishte një kompleks pothuajse për secilin nxënës. Me zhvillimin e hovshëm të teknologjive të reja dhe përhapjen e shpejtë të internetit, na është lehtësuar dukshëm të nxënit nga distanca. Sot mund të mësojmë edhe në mënyrë elektronike (e-learning) në mënyrë krejt të lehtë. Siç keni parë, platforma digjitale www.gjeniu.org, na e ka mundësuar që të jemi në kontakt të vazhdueshëm me Ju. Ndaj edhe kjo fletore laboratorike, mund të shkarkohet dhe plotësohet duke përcjell të nxënit elektronik nga pajisjet e juaja.

Ndiqni me përpikëri të gjitha udhëzimet dhe mbështetjet që ua ofrojmë dhe nuk do të keni asnjë vështirësi që të plotësoni detyrat e kërkuara në ushtrimet laboratorike.

Për të qenë të sigurt se ju keni arrit sukses, në secilin ushtrime kemi parashtruar edhe detyra të pavarura që do t’i përfundoni bashkë me shoqërinë e klasës suaj.

Pas secilit ushtrim, ia dorëzoni arsimtarit tuaj të fizikës këtë fletore laboratori, në mënyrë që të vlerësoj punën e juaj. Pas kësaj e njoftoni prindin apo kujdestarin e juaj për korrjen e suksesit që po e arrini.

Jam i vetëdijshëm se edhe për kundër përpjekjeve të mia që të mos ketë gabime, me siguri se janë të pranishme. Ato do të evitohen në bashkëpunim edhe me mësimdhënësit e juaj, për çka paraprakisht i falënderoj.

Suksese në mësimet e klasës së gjashtë!

Më, 20 dhjetor 2017                            Autori